星期三, 3月 09, 2016

我唔係叫你唔好自殺,我叫你自殺前要做足準備

講自殺,我諗我比好多人都有資格。

好多人會話:「我都諗過自殺,但係我乜乜乜。」,當你見到個「但係」嘅時候,就知佢唔係真係諗過自殺,佢只係突然有個念頭:「如果死左就好啦。」,呢個念頭同真係自殺其實距離好遠。

即係「如果我有一千萬就環遊世界。」呢個念頭好多人都諗過,但真係有一千萬,又或者真係去環遊世界嘅人,其實好少。

而我,我真係打算自殺。我好肯定,如果我唔係有咩急病,又或者意外,我嘅死因,只會係自殺。

我要自殺既原因好簡單,條命係我嘅,我想點樣生存我要自己話事,同樣地,要點樣死我都要自己話事。當我有一日覺得我生命走到盡頭既時候,我就會用自己既方式離開呢個世界。

Screenshot 2016 03 09 03 53 44

不過而家係你想死,唔係我,所以就唔講我啦,講返你。

即係條命係你嘅,你有權決定要唔要佢,所以我係呢篇文完全無打算叫你唔好自殺。但係自殺係一件你一生人只可以做一次既事,你一定唔可以隨隨便便一野就死左,以下有幾樣野你一定要準備好先。

1. 遺書/遺言
死左之後,你就無辦法再講野,所以遺書或者遺言係你留比呢個世界最後既野。一定唔可以缺少!

或者你會話,我無乜野想同呢個世界講喎,我都離開呢個世界啦,仲有咩好講?

或者你真係無野想講,但其實呢個世界好想聽,至少,我好想聽,我好想知你點解唔要自己既生命,我好想幫你報仇!所以如果你無野特別想講,你不如答我下面幾條問題,寫低佢,當係遺書:

第一條:
你而家絕望到想死,係因為咩原因?
學業?愛情?朋友?金錢?

第二條:
你覺得問題出係咩人身上?
你自己?你老師?你父母?你朋友?

第三條:
你覺得佢地要唔要為你嘅死負責?點負責?
內疚?賠錢?受傷?道歉?

寫完之後,自己睇一次。

然後諗一諗,有無比你自己嘅死,更能傷害果個要負責嘅人嘅方法。
如果你諗到,咁你梗係要去做,要佢付出令你受痛苦嘅代價。
如果你諗唔到,又或者你會覺得做咩都無用,咁即係話,即使你死左,都係無用。
除非你第二條問題答案係「你自己」,然後第三條答案係「死左佢」。否則你嘅死,其實對要負責嘅人,無乜阻嚇力。

我翻查左九月到而家中學生同大學生嘅自殺個案(附錄有圖表),發現22單裡面,只有5單係有遺書/遺言,其中3個死者有留低遺書,而有1個有Whatsapp/口述遺言,剩返1個係兩樣都有留低。
由於無遺書或者無遺言,其他17個人,唔好話邊個要負責,要搵邊個報仇,就連佢地既自殺真正原因,都無人知道。

調轉黎講,即係話17個人可能係無好詳細咁諗過自己為乜要死,無諗過自己仲有咩想同呢個世界講,然後就死左。跟住加害佢地既人,繼續瀟遙自在,全世界都無人知道佢地係凶手。

即使你寫左遺書,而家嘅媒體好多時只係一兩句輕輕帶過。所以,如果你到呢一刻都仲決定要死,你記得係遺書度寫明一定要傳媒報導;再唔係,拎你個手機出黎,用前鏡對住自己拍條片,而家D傳媒咁懶,一定成條就咁播。另外,錄完記得SEND比你D朋友BACKUP。

2. 思考自己喪禮嘅安排
我相信人死左之後,會輕左21克,果21克,就係你靈魂既重量。換言之,你死左之後,你係會見到大家,只係大家再見唔到你咁解。

即係話,你會係你既喪禮度見到你嘅家人,你嘅朋友,你嘅同學;而佢地就永遠都見你唔到。

所以你嘅喪禮,你同佢地既告別儀式,其實好重要,你一定諗清楚要點搞。

要播咩歌?個大堂要咩顏色?大家黎到要做乜野?上面塊橫扁寫乜野?

如果你唔交低,最後就會播一D同你個人完全無關,由喃嘸佬主導既音樂。大堂會係無個人風格嘅白色,大家黎到燒下衣紙,睇下破地獄。

老實講,你唔會想見到D咁老土既野。

所以,你要諗清諗楚你想要一個點樣嘅喪禮,寫低你喪禮既安排係遺書度。

我自己嘅喪禮就打算咁嘅:
a. 大家唔使躹躬,或者著黑衫
b. 現場會有雪糕車,提供雪糕
c. 黎參加既人有兩個選擇,一係上台講一段我同佢一齊做既事,一係寫低我嘅缺點然後燒比我睇。
d. 如果無人係台上面講緊野,可以播 Radiohead 既歌

大約啦,因為我短期內都未諗住死,會再出修訂版既。而家講出黎比你參考下先。

3. 思考死亡嘅方法
對於死亡嘅方法,我覺得最重要係唔好煩到其他人,其次係唔好太痛,第三係死亡率要高。

所以最多人採用嘅跳樓第一個被FOUL出局,你跳落黎,落地果下一定好痛,而且跌到成PAT肉醬意粉咁,一黎阻住條街,二黎你靈魂飄左出黎之後,見到自己條屍應該幾難受。

開煤氣亦都唔得,如果有人唔生性趁你焗緊煤氣時撳你門鐘,可能炸晒你附近三四間屋。

跳崖都唔係咁好,你既屍體未必有人發現到,咁就搞唔到喪禮;如果比人發現,又嚇親人。

吊頸好似會好痛,而且聽講話要痛成分鐘先死。

燒炭呢?好似唔錯,但問題係好易比人救返,燒完其實成五六個鐘你都唔死,自殺不遂對身體既傷害好難復原,而你亦會虛弱到無法子再自殺第二次。食安眠藥同割脈都因為同樣理由而被FOUL出局。

咁,仲有咩方法?

大佬,條命你家嘛,你自己諗啦,諗唔到唔好死添呀。


好,我而家總結一下,首先,你要諗清楚你點解要死,係邊個害到你咁,佢要點負責;然後,你要安排好自己既喪禮,一生人一次,點都要好好睇睇;最後,你要揀一個煩唔到人、唔好太痛、同埋死亡率高既自殺方法。

準備呢三樣野嘅過程中間,可能你已經發現你嘅生存其實比你嘅死亡更有價值。

 

P.S.
圖表 (感謝Ruby Pang幫忙)
 Screenshot 2016 03 09 03 56 52

其中一間學校,觀塘慕光英文書院出現左兩次,十二月第一個女仔轉完校最後都係輕生,而二月同一間學校又有另一個女生自殺。(主流傳媒好似都而家都未發現)

相關報導:
http://hk.on.cc/hk/bkn/cnt/news/20150907/bkn-20150907053015338-0907_00822_001.html
http://hk.apple.nextmedia.com/realtime/10829391/20150910/54186921
http://hk.apple.nextmedia.com/news/art/20150924/19307438
http://hk.apple.nextmedia.com/news/art/20151024/19345754
http://news.mingpao.com/ins/instantnews/web_tc/article/20151024/s00001/1445698092626
http://orientaldaily.on.cc/cnt/news/20151105/00176_007.html
http://hk.apple.nextmedia.com/realtime/breaking/20151104/54387435?top=24h
http://hk.apple.nextmedia.com/realtime/breaking/20151119/54444170
http://hk.apple.nextmedia.com/realtime/10829391/20151215/54539472
http://news.mingpao.com/pns/dailynews/web_tc/article/20151217/s00002/1450289268423
http://manjuhk.com/2015/12/18/suicidegirl01/
http://news.mingpao.com/pns/dailynews/web_tc/article/20151229/s00002/1451325012194
http://hk.apple.nextmedia.com/news/art/20151229/19430739
http://orientaldaily.on.cc/cnt/news/20160105/00176_020.html
http://news.mingpao.com/pns/dailynews/web_tc/article/20160118/s00002/1453054273083
http://topick.hket.com/article/1187563/%E5%A4%A7%E6%BD%AD%E9%81%9314%E6%AD%B2%E5%B0%91%E5%B9%B4%E8%B1%AA%E5%AE%85%E5%A2%AE%E6%A8%93%E4%BA%A1%20%E6%AD%BB%E8%80%85%E7%88%B6%E8%A6%AA%E7%82%BA%E4%BA%BA%E5%8A%9B%E8%B3%87%E6%BA%90%E5%85%AC%E5%8F%B8%E7%B8%BD%E8%A3%81
https://hk.news.yahoo.com/%E4%B8%AD%E5%A4%A7%E5%A5%B3%E7%94%9F%E6%A0%A1%E5%85%A7%E8%B7%B3%E6%A8%93%E4%BA%A1-220033084.html
http://news.mingpao.com/pns/dailynews/web_tc/article/20160213/s00002/1455300326892
http://hk.on.cc/hk/bkn/cnt/news/20160218/bkn-20160218082634624-0218_00822_001.html
http://hk.on.cc/hk/bkn/cnt/news/20160305/bkn-20160305101433710-0305_00822_001.html
http://hk.on.cc/hk/bkn/cnt/news/20160307/bkn-20160307012110413-0307_00822_001.html
http://hk.apple.nextmedia.com/realtime/breaking/20160309/54845112

星期日, 3月 06, 2016

六合彩救港計劃

Screenshot 2016 03 06 03 40 22

二零一六年某日,ICC 102樓天龍軒,放係我面前既係一壺明前龍并,同埋呢度最出名既黑毛豬叉燒。

我拎起茶杯,正要呷一啖茶既時候,有一個著住訂造西裝既眼鏡男行過黎。我放低茶杯,起身同佢握一握手。

「你好,我係David。」眼鏡男介紹自己,我示意佢坐低,再斟左杯茶比佢。

「我叫Katarina,我有三千萬現金係度,想設立一個離岸基金,所謂離岸,即係成舊錢都唔係香港。」我開門見山。

「咁你期望個回報率有幾高?等我可以揀D 計劃比你。」David拎左本簿出黎,準備做筆記。

「先唔講呢個,講左我基金既目的先。我希望個基金係類似一種創投基金咁既形式運作,公眾可以入計劃書申請,然後我批錢比佢地,最後有回報我要佔一份。」我話,但其實我心諗既比呢個更多,只係唔方便直接話佢聽。

我希望呢個係一個本土行動基金,所有人,只要你有野想為本土做,而果樣野只需要付合我定既原則,我就會批錢比你。而筆錢入面,係包括生活費,即係話,如果我批錢比你,你就可以全職做本土行動。

原則有以下幾點:

1. 行動者能承受該行動帶來的最壞後果。
先要衡量呢件事最壞會帶黎咩後果,如被補、坐監、被打、等等等等⋯⋯
然後再衡量你承唔承受得到呢個後果。

2. 該行動能打擊賣港的敵人,簡單來說,Make them pay!
無論係心靈上,心理上,給與佢地不能磨滅的痛,剝斷佢地既希望,要佢地知道,加害我地係要付出代價。

3. 可以殘忍,但唔能夠傷害佢地身體
因為如果佢一個唔覺意死左,對整個行動無益處。

4. 要有創意,做過一次既野,唔可以再做,除非佢以為你一定唔會再做;簡單黎講,要佢估你唔到。
即係今日有人準備D 痕粉,係電視城門口等某高層放工。第二日就有人拎住桶玻璃膠,黏實左某某高官度車門。
次次新款,發揮創意,咁佢地真係會驚,唔係驚痕粉,唔係驚玻璃膠。
係因為估唔到你會做乜,所以驚

基本上就係咁簡單。

「明白。我揀個混合既組合比你,你可以先預部份係好似創投咁批出去,另一部份就會有比較穩定既回報咁。」David繼續抄筆記。

「無問題,搞掂之後我會搬去墨西哥既瓦哈卡(Oaxaca)住一排,你上網或者打電話都會聯絡到我。順帶一提,果度有隻叫Chocolate Rojo,辣朱古力,好好飲的。」我笑住咁拎起個茶杯,呷左一啖明前龍并。

-- 咪住 --

FF完啦,我邊撚度有三千萬。上期六合彩又無中(就算中左,都係得二千七百萬,五注中,傻的嗎)。
唔係喎,如果下次金多寶我中左,咪有幾千萬囉?咁上面堆野又未必全部係FF黎啦喎。

問題係,我買一注六合彩,中既機會只有一千三百幾萬分之一。即係話,我平均要買一千三百幾萬次先會中一次,一年百幾期六合彩,粗略估計,我平均買十二萬年就會中一次。

十二萬年前,地球仲處於最後一次融冰期,俗稱冰河時期,當時亞洲大陸、台灣、印尼、菲律賓同日本都仲係連埋既,叫巽他大陸。
如果果時我開始買六合彩,到今日應該中左。

所以如果要中六合彩,然後成立基金,就唔可以我一個人做。要好多個人同時又買好多注,加上呢堆人全部都願意中左之後捐出黎(捐部份就夠)先得。

假設有一百個人同意參加我呢個計劃,我地每人每期買十注,即係一百蚊。咁我地只要買127年就夠。
喂,同我叫康有為唔好搞咩公車上書啦,黎幫我買六合彩啦!

咁其實只要再多十倍人,每人出多十倍錢,我地係有望平均係1.27年裡面中一次六合彩。

我無諗過一攤開D機會率之後,原來要中六合彩唔係想像中咁難,前提係要夠多人,同埋唔好重覆買同一注。

首先有夠多人,之前我係Facebook提過下,都有百幾個LIKE,即係話只要有心搞,其實願意中左六合彩之後回饋下香港既人其實唔少。

最重要既係,我唔係要你拎現金出黎立刻支持本土行動(其實都唔少人願意),我只係要你買返你平時可能期期都會買既六合彩,然後中左的話,分一千幾百萬黎支持本土行動。你付出既,係未來既一個可能,投注香港一個希望,天有光,我地就會成功。

當然要諗下方法點宣傳啦,例如搵一D紅人幫手,甚至搵一D未來既受惠機構幫手散出去。

散到出去的話,我地面臨住第二個問題。

因為如果一百個人,一百個都買123456的話,成件事就無晒意義,中既機會率無提高,都仲係十二萬年先中一次,而且中左獎都係呢一百個人一齊分。即係話,呢一百個人買既號碼一定唔可以重覆。

要點樣做呢?

其實整個Web System + Database 記起各自買左咩冧把就OK啦,仲可以幫你對埋TIM。

作為一個User,個Flow會大約係咁:

Flow1 

首先你留低個聯絡方法,Facebook又好,email又好(方便中左之後搵你);然後定個 Password (方便之後自動對六合彩)。
咁就可以㨂係你自己買,定係想我地工作人員幫你買(但如果我地幫你買,你中左都只能全數捐出,你就當捐左一張六合彩飛比本土行動囉)。
跟住可以揀自選號碼,或者電腦隨機號碼,初步我會support複式,但唔support膽拖,複式都最多係8個號碼,因為唔想比一兩個玩野既人就拖死個SERVER。
揀完之後,我地會話比你聽你想買既號碼會唔會同其他人重覆左,如果有,你要揀過另一個,或者隨機過另一組,放心,其實機會好細,兩組完全一樣既號碼出現機率係一千三百幾萬分之一,即係同上面話要買十二萬年果個機率係一樣既,所以重點其實都係記低買左咩Number。

如果係揀我地幫你買,呢個時候會有個位比你UPLOAD張入數紙,我地工作人員對過之後,就會一次過去買。

如果係揀你自己買,咁就已經搞掂。

到開完彩果日,你可以再LOGIN,我地個System會話比你聽你有無中,同埋中左幾個字。
而所有工作人員幫買既飛,我地會顯示返中左幾多錢(如非頭獎),而D錢會放落網站營運度。


而System會有個後台,比Admin用。

Admin Login之後,會先揀邊一期。
揀完之後,佢會見到佢要幫人買既號碼,同埋對應既入數紙,佢可以PRINT返一個表出黎,去投注站照住填。

然後每次開彩之後,有個位比Admin入返中獎既號碼。

當然唔少得就係一個中獎一覧表,如果有User自己買而中獎,我地會直接聯絡佢。

講真,真係唔錯,剩係保證唔會同人地買埋同一SET冧把同埋自動對六合彩,呢個服務已經夠吸引。加埋本土行動呢個意義,直頭係一舉幾得。


但我再退後一步,又發現另一個問題。

我需要一個Programmer做呢樣野先得。

所以我係呢度,公開徵募程式人才,同我一齊搞呢個Project。我會負責租Server,買Domain,聯絡,跑腿,測試。而Programmer要既就係將我上面呢個FLOW變做一個responsive既網頁。

有興趣既人請PM我。
以下係我Facebook:
https://www.facebook.com/KatarinaPrestorP

本土行動基金,就差你咋!