星期一, 6月 30, 2014

世界盃十六強賽前分析 - 德國 vs 阿爾及利亞

德國
flag-germany-M

好多人好鍾意德國,一鍾意就鍾意好多年。但認真講,路維呢幾年黎經營既呢隊德國,越黎越唔得我歡心。

點解?
得罪講句,呢隊德國,好乸型。陰聲細氣咁攻,陰聲細氣咁守,一D陽剛氣都感受唔到。我唔係話要你場場踼到打泰拳咁,但你都唔好好似打羽毛球咁縮下縮下丫。的而且確,而家呢隊德國順起上黎係無得擋,行雲流水。

但如果對面硬起上黎,而球證又咁岩比較鬆手,咁咪蝕底。你D傳波帶波比人粗暴截斷,罰球或者角球比人夾硬撞開可能就會輸。

你睇方對加納果場,如果唔係換返個上一代既真男人KLOSE出場,又或者對面個22號無傻更更咁5個打3個既突擊傳比前面果個(條友係咪以為自己踼緊麥花臣?無越位?),就一分都無了。

認真講,今年呢隊德國確實唔係好勁,睇返三場分組賽,第一場係贏對面有個傻仔叫比比;第二場贏唔到之餘,仲要比加納向全世界示範要如何對付路維既德國隊;第三場呢,就你兩兄弟自己傾掂一個首名出線一個次名出線,毫無參考價值。

雖然唔係好勁,但佢係德國隊。

德國隊有完善既制度,有專業既團隊,有服從紀律既球員,有要拎世界盃既決心。剩係呢四樣野,其實已經保證佢入到四強。

企係球場上面,佢地係一隊球隊,而唔係十一個人。下面個表比你睇到對加納果場佢地中前場球員互傳既數目,黃色係5次或以上既互傳。可以見到佢地完全無諗過自己,好願意將波傳出去,將球隊既利益放係第一位。
passtoMFpng

睇返歷史,係第二次大戰之後,其實只要德國(包括西德)入到決賽周,佢最差既成績都係八強。
record

所以第一次進入十六強既阿爾及利亞,真係凶多吉少。又如果路維被阿爾及利亞踼出局的話,佢應該要吞槍自殺,或者罰佢以後唔可以再食鼻屎。

真係成粒放入口嫁

阿爾及利亞
flag-algeria-M


開賽前,甚至去到最後一場分組賽,都仲有好多人覺得阿爾及利亞一定出唔到線。

老實講,你地憑咩咁樣講?你睇過幾多場阿爾及利亞?如果佢弱,佢弱係邊個位?唔好問咁深,我問你,佢教練係白人定黑人?我都幾肯定你答唔出。

咁,你憑咩覺得佢一定出唔到線?

而實際上,佢出左線,佢贏左好多人心目中好勁既南韓,將狂攻佢既俄羅斯拒諸門外,只係僅敗比同組第一名既比利時。

然後,仍然一堆人覺得佢好弱。

你未睇過佢,佢一路贏緊波,你覺得佢好弱。救命,呢個世界可唔可以合返些少邏輯,試下睇多D資料,睇多D事實先下結論,而唔係一切憑感覺話事。

我睇晒阿爾及利亞三場分組賽,我既結論係,佢地唔強,但一D都唔弱。

個人技術相當唔錯,否則點樣入南韓四球,南韓唔係企係度任佢攻家嘛。

體力雖然唔似哥斯達黎加咁源源不絕,不過亦一D都唔會輸蝕比其他球隊。三場波,每一場總距離都超過11萬米。即係話佢每個人每場都平均跑10000米以上。而決賽周其他球隊,好多一場平均跑動唔過十萬,足足多10%,如果你唔跟佢呢個節奏,就等於佢打多一個。
distance

鬥志呢,黎到十六強就唔肯定啦,畢竟對住德國,如果打定輸數,就真係「現在放棄,比賽就完結」。

不過呢隊波既缺點都好明顯,就係戰術素養低下。好似對住俄羅斯果場咁,你60分鐘追返1:1,明明氣勢如虹,但偏偏覺得和波夠出線,夾硬熄左自己團火,成隊縮返去後面守,其實成隊波底唔弱,絕對可以慢慢進攻,搏入多一球。
formation
(對俄羅斯時的實際企位)

其實比利時果場都係咁,明明可以前場控球,但係都要比個控球權對手,自己防守又唔係真係好,結果咪輸返。

所以都係果句,人地德國隊係第二次大戰之後,只要入到決賽周,佢最差既成績都係八強,如果你無創造歷史既決心,其實就同已經拜拜左無分別。

世界盃十六強賽前分析 - 法國 vs 尼日利亞

法國
flag-france-M


呢隊都算係新生代既法國,因為贏左一場瑞士5:2,所以外界對佢地既評價都好高。

咁我先集中講果場我觀察到既野,就係呢隊法國好擅長人少打人少,如果你後防誤傳又或者谷得太上,就會好危險。

以入瑞士既第二球為例,一個向後既誤傳,一次2打3就換黎一個入球。
1. 誤傳
few1
2. 係盲眼位跑入去
few2
3. 射遠柱
few3

所以對住呢隊法國,一定要避免人少打人少既情況出現。點樣避免?死守LAW。厄瓜多爾就示範左呢件事90分鐘,到佢地打少一個人,都仲係唔會比你人少打人少。

你睇,最前果個E華倫西亞,一路都係中圈前少少,其他人連過半場都唔多。
Ecuador

換言之,只要你死守,佢就煩了。除左死球佢無計了。

咁死球點算?你一個跟一個跟實D,盡量唔好走甩啦。

咁都照輸點算?
足球就係一個咁既遊戲,你做晒所有野,人地都仲入到你波,咪認命LAW。

當然,我完全唔肯定佢地既對手尼日利亞究竟會唔會咁做,定正正常常擺個平衡陣出黎然後輸左佢。因為我真係唔知D非洲隊諗緊乜野。

講法國隊當然唔可以唔講佢地既教練迪甘斯啦,成隊新生代法國都真係有資格同佢講:「我細細個就睇你踼波嫁啦,你用對腳踼波家嘛。」所以威信方便應該唔成問題。佢後生踼防守中場,理論上對於每個球員既位置應該比較清楚,而且知道攻守轉換時節奏掌控既重要性,係一個合格以上既教練。

另外講D題外話,我個人覺得法國門將洛里斯好適合做偽娘打扮,唔知有無人有同感呢?
20100506132742887362
(求高手P 得完美一點)


尼日利亞
flag-nigeria-M


我因為私人問題,時間配合唔到,尼日利亞既比賽睇得好少,對於無乜睇過既隊伍,無論我點爬數據,都只係猜測。因為數據入面有好多野是顯示唔到的。例如傳球時隊友既走位,又或者防守時既企位。
所以原諒我無法子好深入咁寫尼日利亞。

但我為左大家,我去睇晒三場既精華,得出黎既,就係呢隊波,基本功好好,多謝呢二十幾年以來非洲足球學校既發展,體力亦都足夠。但呢個亦都係佢地唯一有既野。

佢地無方法去改變場波既形勢,對伊朗,圍住黎攻,但攻唔入就係攻唔入,搵唔到突破點;對住波斯尼亞,領先一球底下,其實比對方製造到唔少機會,非常驚險;對住阿根庭,反而可以防守反擊,效率其高。

認真講,我睇唔透D非洲隊。因為佢地除左競技元素之外,仲有更多其他既元素係入面。之前伊圖奧話自己隊友打假波搵真銀係一例,然後加納又爆出足總承諾既獎金遲遲都未過數既問題。咁尼日利亞有無問題?未爆出黎之前我唯有當佢無。但萬一有,其實係可以好直接地影響到賽果的。

D自己控制唔到既野只好唔理佢,唯有去睇下數據,睇下可以有咩發現。

佢地將會對住法國,咁搵返隊歐洲隊波斯尼亞果場黎做比較會適合一D。

attack
從圖可見,佢地既攻勢集中係右邊,而且多數時間都係中場成功截獲皮球然後反擊。

因為佢地其實最厲害既係一對防守中場。你睇返,其實佢地踼起上黎,完全唔差過荷蘭既迪莊。
DMF

法國究竟能唔能夠越過呢條線呢?迪甘斯又會用咩戰術黎對負呢隊非洲盃季軍呢?你睇下咪知LAW。真係,你估睇波真係望住個波90分鐘咩。

星期日, 6月 29, 2014

世界盃十六強賽前分析 - 哥斯達黎加 vs 希臘

哥斯達黎加
flag-costa-rica-M


呢場波尾場四點,第二朝又要返工,而且戲碼又咁「弱」,我相信都係無咩人睇。但講真今屆世界盃,唔睇過哥斯達黎加真係你既損失,你睇幾多場德國荷蘭都補唔返。

呢隊哥斯達黎加,四個字,「如日中天」!

總結我自己睇左兩場(我無睇佢對英格蘭,我一向唔太睇D無競爭性既賽事),我得出以下四點支持今屆既哥斯達黎加有幾強。

第1,唔怕熱、唔怕濕

熱?你熱得過係赤道附近既哥斯達黎加?

事實上哥斯達黎加係熱,但又唔係真係好熱,全年平均都係26-30度中間;比香港最熱既時候涼少少,但佢地全年都係咁。

濕度方面就極度潮濕,長年最高濕度都係90%以上,有幾個月係平均最高濕度係100%。
climate

佢地23人大軍有9個效力本土聯賽,其他都土生土長,對於巴西D又濕又熱既天氣完全唔會感到陌生,實際上,佢地全隊跑上跑落,非常快速,而且是全場持續不停地跑動。

第2,團結

兩場比賽入面,我見到佢地好少埋怨自己隊友,經常互相鼓勵,好樂意用自己既跑動去為隊友製造空位。

係有大量明星既球隊入面,你根本唔會見到呢d情況,大家各自佔據住有利位置,希望隊友傳球令自己變成英雄,最後令對方易於防守。

第3,基本技術不俗

球員傳停控射全部動作都做得有板有眼,相反你睇佢地對意大利果場,巴洛迪利連停個波、用身體保護再橫傳後上隊友咁基本既動作都做到甩皮甩骨,你就知果場波真係優勝劣敗。

第4,戰術執行力強

哥斯達黎加既基本戰術就係一個人係中圈,然後九個人係後半場。換言之,係死守。def1

但係死守之餘,佢地最厲害既地方就係後防散開的時間非常快。當他們防守成功,拿到皮球後,整條後防(9個人)立刻向前散開,為進攻做好準備,而且速度非常的快。
def1-2

這樣即使被對方中場截到波,都唔可以立刻交比前鋒做反擊,因為前鋒處於越位位置。(不明白請看掃盲手冊

所以對方前鋒必需要同佢地一起跑,一起散開;但這樣對於不適應濕熱環境既他們黎講,運動量大太,太辛苦。
def2

要執行如此辛苦的戰術,需要既係體力同埋紀律,而哥斯達黎加兩者都不缺。

密集防守,加越位陷阱,呢兩件好似矛盾既事,比哥斯達黎加成功咁一齊做到,令到佢對住三隊世界排名前列既強隊,三場只係失左一球!


 

希臘
flag-greece-M


認真講,呢隊希臘出到線,原因只有一個:運

分組賽第三場,森瑪拉斯係禁區入面射波,腳尖掂到地下,然後後仆左係度。

球證居然直指十二碼點,足球史上第一次吹罰場草地,如果比埋牌就精采,因為比牌要mark球員號碼,咁塊草地究竟係幾多號呢?

唔好理D咁神奇既問題,總之就係呢個十二碼,令到之前兩場波一球都無入過,對住哥倫比亞被予取予攜既希臘隊,入到十六強。

呢D唔係運係咩?(下?歐豬五國邊有D咁既無謂錢呀)

睇返呢三場波,對哥倫比亞佢地早早失球,於是佢地被逼要打自己唔擅長既主攻,令到全場無論控球比率、攻擊次數都比對方高,可以話係佔住主動權。但實際上係拎住個波唔識攻,12次射門,無一次可以變成入球,相反對面哥倫比亞都係12次射門,但就入左三球。
圖係該場既射門位置,可以作為參考。
shots

而第二場,對住日本,上半場就打少一個人,可以打返佢地擅長既穩守突擊,唔使再逼住主攻;最後可以守到,好大程度上唔係佢地守得好或者有足夠既體力,而係日本把握力真係太差。

單睇數字,就知道日本完全係圍住佢黎攻,希臘連跑既空間都無,比人壓縮左係半場,可以見到日本半場基本連綠色點都無。
pass

講返第三場,又係果個問題,佢地真係要請個球證食飯。

所以十六強對住如日中天既哥斯達黎加,應該會係一場悶戰,因為對手其實唔識攻,希臘又唔識攻。咁點算?

唯有係咁二攻下,睇下邊個出錯law,睇下有無死球機會law。

咁四點先開波,第二日又要返工,擺明會係一場悶戰,但唔睇哥斯達黎加又係損失;真係,魚與熊掌呀!

世界盃十六強賽前分析 - 荷蘭 vs 墨西哥

荷蘭
flag-netherlands-M


如果有任何一個人同你講,荷蘭打緊進攻足球,你可以同佢講,如果長傳喪跑同斬波頂頭鎚都算係進攻足球,咁佢地咪打緊進攻足球LAW。

事實上,荷蘭入左10球,係今屆世界盃暫時入波最多既球隊,但十球入面,只有一球組織,一球遠射,其他都係長傳喪跑同頂頭鎚;當一隊波,不停咁使用長傳喪跑同死球斬波頂頭鎚黎進攻,呢種戰術,有個學名,叫「穩守突擊」。

翻查荷蘭三場的數據,會發現其實大多球員都係留係中後場既位置,留出空間比洛賓+雲佩斯喪跑。
Distribution
(荷蘭球員控球位置分佈)

講開洛賓,荷蘭呢幾年根本上就係「成也洛賓,敗也洛賓」。

點解咁講?
因為佢係一個足球黑洞黎,個波落到佢腳,未到最後一刻,完全無希望射波之前,佢都唔會傳波。
blackhole_42-vert

睇返三場既傳送數據,對澳洲,佢只係傳左20球,全隊打多過半場既球員全部傳波多過佢。全隊傳球496次,而佢只佔其中4%。

呢D數字,其實放晒係FIFA網頁,即係話,佢既對手都一定知道。簡單黎講,防守佢既球員可以假設佢唔會傳波,而佢又真係唔會傳,阿光頭仔,睇你扭得幾多個扭得幾多場。

所謂「成也洛賓,敗也洛賓」;佢順係上黎射親都入咪贏波,佢唔順時又死扭死去外圍亂射自然就浪費晒D機會。

但,其實荷蘭既成敗係取決於另一個人的,呢個人就係雲高爾,究竟班球星大帝有幾聽雲神話呢?究竟佢對球隊掌控度有幾高呢?

歷史話比我地聽,雲神只要全面掌握隊波,佢叫你走東你走東,佢叫你走西你走西,咁就會贏波(2008年帶領阿爾克瑪爾聯賽28場不敗);但佢完全對球星大帝們無辦法,帶領巴塞/拜仁等大會反而成績比預期差。

所以如果球員乖乖聽話,雲神會帶比大家勝利;相反呢,球隊會變得各自為政,一盤散沙。

對住墨西哥,墨西哥一定唔會攻你,即係話荷蘭要進攻,要組織,直至入到一球之後先可以打返自己擅長既突擊;所以勝敗其實就係睇佢入唔入到第一球啦。


墨西哥
flag-mexico-M

今屆世界盃真係五個字:巴西很潮濕

大部份歐洲球員,由細到大都未試過係咁既濕度下面踼波,所以美洲既球隊非常佔優,而墨西哥就係其中一隊。

而墨西哥今年更加放棄左堅持多年既華麗打法,改打實際足球,當大多數歐洲隊守到七十幾分鐘無氣失守既時候,墨西哥無呢個問題,佢唔會有人無啦啦就坐低抽筋,佢地全場都緊守崗位,就係為左唔好失波。

睇返數據,佢地三場分組賽都跑得比人多,補位自然就比你快。
distance

究竟呢隊墨西哥有幾實際?

下圖就係FIFA根據球員真正出現位置畫既陣式圖,可以睇到三場波入面,墨西哥都係放左8個人黎防守,中間一個杜斯山度士(10)做連接,然後一個前鋒攻。
Formation

根本由頭到尾都只係諗住守和你,而結論係,佢地三場只係失左一球。

門神吳鎮宇奧祖亞場均失0.33球。
guillermo-ochoa3

比你比較下,同一組,喀麥隆失左9球,克羅地亞失左6球,巴西都失左2球。

所以荷蘭面對既,將會係一隊一心防守既球隊。佢唔介意佢入唔到你波,拖到加時射十二碼佢當贏左。

而且地球人都知道,荷蘭人最最最最驚射十二碼。

Penalty
(歷史話比我地知,佢射左五次,贏得一次,咦?仲有個低過佢?果D3場分組賽拎1分既魚腩就唔好理佢啦)

所以如果九十分鐘荷蘭都入唔到波,加時射十二碼既機會就好大,一來你歐洲人怕熱,二來人地一開始就塞八個人係禁區頂同中場中間。

但如果九十分鐘內失波,喜歡打突擊既荷蘭就立於不敗之地了。

星期六, 6月 28, 2014

世界盃十六強賽前分析 - 哥倫比亞 vs 烏拉圭

哥倫比亞
flag-colombia-M


哥倫比亞係3場分組賽入面入左9球,巴西都係入左7球,僅次於荷蘭,係今屆世界盃入波第二多既球隊

之所以攻力強大,係因為佢擁有占士洛迪古斯、古亞達杜呢對中前場組合,佢地活動範圍同創造力都非常高。即使佢地兩個被盯死,兩邊閘Armero同Zuniga都可以走上黎兩邊出波,進攻非常立體。

講開占士洛迪古斯,佢可以著住華達拉馬件10號波衫,絕對唔係浪得虛名。以下幅圖係佢打足全場既兩場入面,傳球既次數。為左方便大家,我擺埋荷蘭十號史奈達其中一場既數字比大家參考,你會發現,占士既活動範圍大過史奈達非常非常多,簡直就係滿場飛,度度都見佢,狂刷存在感。一個主力球員,其實大可以好似史奈達咁係佢自己喜歡既位置等波到,如果進攻到入左咪英雄。但占士佢全場跑動,主動制造機會,呢點相當難得。
James

而且哥倫比亞係南美球隊,隊員們唔會有「咁大個仔都未試過係咁既濕度下面踼波」呢個問題。每一場既平均走動距離都相當高,而且亦懂得收放,對日本那一場明顯就收左油。

進攻真的非常厲害,如果有埋法卡奧,就更加難以想像,即使而家企係前鋒位既TEO,入球能力亦都非常高。

球隊亦都相當團結,唔會話有人企係D靚位度唔肯走開,又或者有人企左係靚位無人交波比佢既問題。教練José Pékerman已經執掌球隊兩年,暫時都見不到有失控的問題。下圖係佢執教以黎既戰績,只係輸左三場,18勝6和3負,相常驚人。
result

防守方面,講唔上話穩健,對日本失果球就明顯睇到集中力唔夠;對住日本就話可以入返四球,但如果八強對住巴西又點呢?

講開對日本,呢場尾段既時候換左一個傳奇人物入場,佢就係門將蒙達干。1993年開始效力國家隊,佢出場既時候,年齡係43歲零3日,打破左由喀麥隆球員米拿保持既最高齡出賽球員紀錄,將自己既名字刻在歷史上。
farid-mondragon

講返十六強,對住殘兵烏拉圭,佢地南美九支球隊,塘水滾塘魚唔係你對我就我對你,熟到不得了。翻查一下兩隊近年對戰。2012年9月7日主場狂勝4-0;2013年9月10日作客又輸返2-0。兩場人腳同世界盃呢隊相差都不遠,相當有參考價值。


烏拉圭
flag-uruguay-M


講到烏拉圭,佢真係成功吸盡全世界人既眼球。

而家上至牛頭角順嫂,下至台灣綠色和平,有邊個唔知烏拉圭有個蘇亞雷斯會周圍咬人?
suarez-biting-lesson

果場個球證除左一手將烏拉圭送左十六強之外,因為佢無比紅牌阿蘇,而間接令佢要停九場加遠離足球四個月。(比比用個頭撞人,咪紅牌停一場,如果即場出左紅牌,應該無罰咁重)

不過無所謂,反正球證係兼職的,吹雞既野,興趣黎嫁姐,佢正職係墨西哥做牧師,希望神會饒恕佢。

講返正經,烏拉圭係今屆既表現同四年前比的話,只可以講一句:大不如前

四年前果隊烏拉圭有極度穩健既後防,有兩個見神殺神、遇佛殺佛既防中,有可以傳出魔術傳球既老波骨科蘭,有剛剛冒起既卡雲尼同未會咬人剩會手球既蘇亞雷斯。一路殺入四強,果種氣勢,果種鬥志真係不可多得。

但今年一開波,就比哥斯達黎加一盤冷水照頭淋。對方將十二個射門化做左三個入波,而佢地全場只能製造到九個射門機會。跑動距離輸晒,組織力唔夠,把握力亦都低下。

到左面對呢組魚腩英格蘭(3場拎1分唔叫魚腩叫咩?你講!)佢地先至贏得叫有D說服力。不過場勝利其實都係建基於英格蘭後尾無氣無力身上。

睇返數據,全隊既傳球成功率只有58%,而蘇亞雷斯只有離譜既46%。下圖係該場佢同朗尼既比較,可以見到除左全隊D波比晒蘇亞雷斯射所以佢射門多D,同防守之外,其他數字佢都係比朗尼低的。不過,足球就係一個只睇入球既遊戲,所以呢場既最佳球員係蘇亞雷斯。
suarez

講咁多,其實十六強佢對哥倫比亞係唔會有蘇亞雷斯的,進攻只有用科蘭,卡雲尼同埋天才Lodeiro。

科蘭既狀態比四年前大幅下跌是肯定的。

而卡雲尼係一個好球員,佢既好唔係話佢會扭轉比賽形勢,由輸變贏,而係體現係佢對足球既敬業之上。佢入球能力令佢值六千萬歐羅,但係當今世上超過五千萬歐羅既前鋒入面,佢一定係回防最勤力既一個。

效力哥連泰斯既Lodeiro對巴西既天氣相當熟識,腳法同創造力都唔錯,只係球隊太多大佬,遲遲都唔比佢擔大旗,佢自己亦都無勇氣一力承擔責任,其實有D浪費。

而防守中場亦係烏拉圭既傳家之寶,AREVALO非常實用,覆蓋範圍亦都好大。以下呢張圖係三場分組賽Arevalo同卡雲尼既跑動範圍。
heatmap

對住三場入9球既哥倫比亞,究竟能唔能夠守得住呢?而無左蘇亞雷斯,烏拉圭要靠邊個製造高效率既反擊呢?呢D問題都係勝負既關鍵。

世界盃十六強賽前分析 - 巴西 vs 智利

巴西


flag-brazil-XL

貴為本屆世界盃既東道主同大熱門。佢背負住唔少球迷既期望,經過三場分組賽之後,我主要觀察到以下既野:

首先,史高拉利本身係一個非常功利既教練,所以今屆巴西既進攻模式可能會令唔少人失望。但其實巴西事必要華麗悅目,同大俠事必要有型靚仔;都係你地D 升斗市民唔合理既幻想黎。
文雋

我個人覺得勝負既重點在於古斯達禾同埋Paulinho兩個防守中場,係唔係可以做到02年基拔圖施華&基巴臣或者94年鄧加&施華咁堅璧清野。

如果有留心睇比賽,你會發現古斯達禾進攻時比施華站得更後,提供空間比兩邊馬些路同艾維斯,左右兩邊閘一邊上左另一邊就絕對唔會上,咁樣唔只多左進攻空間,亦唔會輕易被對方反擊得手。

另外Paulinho亦非常利害,覆蓋範圍好大。
cover

巴西既戰術就係咁簡單,由兩個防中開始進攻,可以選擇比前面尼馬或者奧斯卡,亦可以選擇比兩邊閘
馬些路同艾維斯。

巴西明知自己基本上每一場對面都唔會同佢鬥攻,所以根本唔需要另一套戰術。

巴西前場球員質素相當好,但要注意,其實勝負既重點唔係尼馬身上,反正佢每一場都會一定會比幾個人圍住,所以重點係費特可以幫佢引開幾多個人,當奧斯卡拎波時,其實可以留意費特做咩,佢係衝入中間等傳波比佢,定係拉開人地後衛比位尼馬入?

兩個可能都可以帶比巴西隊入波,睇返數據,佢兩樣都有做,咁樣其實先最難防守。
fred
(費特接傳球和傳球路線)

加上巴西有主場之利(無論係對天氣既適應,甚至係對球證產生既心理壓力)。所以十六強面對住智利,佢地應該應付得黎,除非發生一D好不得了既意外,例如好早打少一個,又或者極邪門攻極都唔入咁。


智利
flag-chile-M


一句講晒,非常好睇。

除左大家都識既山齊士之外,前場幾個球員(10號Valdivia,11號Vargas)腳下功夫都相當好。

除左對住踼Tiki-Taka既西班牙之外(《足球掃盲手冊2014》已經講過,當對面踼Tiki-Taka,控球比率就再無意義,因為Tiki-Taka就係一種咩都唔要,剩要控球既個戰術),佢地控球比率全部都超過60%,換言之即係話智利係正常程況下比較喜歡控制皮球。
possession

好就好在教練願意比佢地做好多短傳配合同個人突破,所以當你睇智利時,你會睇到令你眼花潦亂既撞牆入楔,會睇到佢地D球員嘗試帶波突破。

呢個舉動令智利成為16強入面最好睇既一隊。

好睇係好睇,但好唔好食呢?就真係睇對手。對住實際為主既巴西,其實不太討好。好在佢地有個叫維度的傢伙,呢條友,其實同佢D隊友格格不入,企佢旁邊個個都係場藝術家,又扭波又撞牆又盛,鬼咁好睇,但佢就係硬橋硬馬硬漢一名。所以佢係對西班牙要防守時發揮出色,而對澳洲時則好早被換走,對巴西結果會點,好睇維度能唔能夠發揮到效用,阻斷Paulino、古斯達禾同前面尼馬、奧斯卡既連繫。
Arturo-Vidal_6

剩低就睇鬥志,例如對西班牙一場,佢地既總跑動距離就足足比西班牙多8332米,呢個程度絕對唔止每人走多一步,假設一步係0.8米,唔計龍門,十個人一人走多成1000步。具體程況就會好似打多個人咁,自自然有優勢。
distance

如果要贏巴西,佢地一定要拎得出對西班牙時呢個氣勢先得。當然,亦都要祈禱球證既主場雞唔好吹死佢地啦。

星期二, 6月 10, 2014

足球掃盲手冊 2014

每到雙數年,足球就會變成全球的話題,而每四年一次的世界盃更加是足球界的最高榮譽,於是在這些年份的夏天,就會出現一些「球迷」,這些人,平時不會看足球,但到了世界盃年,他們都會湊湊熱鬧,看看球,談談球隊。但這些「球迷」究竟有多了解足球呢?

自從足球搏彩合法化之後,流行一個講法叫:睇波不賭波,睇來幹甚麼?

但當你在電視前面又或是球場看台上看一場/用真金白銀去投注一場比賽時,你知不知道你究竟在看甚麼?你清不清楚自己在賭甚麼?

本手冊不鼓吹任何人賭波,但也不阻止任何人賭波。只希望大家讀完後,能夠了解自己在看/賭甚麼,讓不懂足球的人變成略懂,也令略懂的人從不同的角度去了解足球這項運動。

一、足球究竟是一樣怎樣的比賽呢?

其實用一句就可以說完:

「足球就是兩隊球隊,在球場內每隊十一人,限定時間內,把球合法地放進對方球門次數較多的球隊獲勝的比賽。」

但這句句子其實充滿玄機。

1.1 球場

首先是球場,我相信很多不熟識足球的人都不知道,所謂標準足球場,其實每個場的大小是可以不盡相同的。

球場的闊度由45米至90米,長度則是90米至120米。你沒看錯,闊度是可以相差一整倍的。所以最極端的「標準」足球場可以是90米x90米的正方形(當然我相信世界上沒有一個這樣的怪球場)。

事實上歐洲頂級聯賽使用的球場大小也都有分別,出名細小的高貝利球場,長101米,闊67米;而出名巨大的魯營球場,則長105米,闊70米,別才看這幾米,在比賽中往往這幾米的距離就是勝負的關鍵。

頂級球賽中擁有不同大小的場地這事在一般運動來說,是很少有的,NBA的球場每個大小都必定一模一樣,乒乓球桌的大小更不可能每個都不同,足球,就是這樣特別的一項運動。

附件:今次巴西世界盃的球場大小:

球場

城市

尺寸(米)

Estádio do Maracanã

Rio de Janeiro

105 x 68

Arena de Sao Paulo

Sao Paulo

105 x 68

Estadio Mineirao

Belo Horizonte

105 x 68

Arena Amazonia

Manaus

105 x 68

Estadio Nacional

Brasília

105 x 68

Estadio Beira-Rio

Porto Alegre

105 x 68

Estadio Jornalista Mário Filho

Rio de Janeiro

105 x 68

Complexo Esportivo Cultural Professor Octávio Mangabeira

Salvador

105 x 68

Estádio Joaquim Américo Guimarães

Curitiba

105 x 68

Estadio das Dunas

Natal

105 x 68

Arena Pantanal

Cuiabá

105 x 68

Estadio Castelao

Fortaleza

110 x 75

而今屆2014的世界盃中,除了Estadio Castelao是大一點的110 x 75 m外,其他球場都是 105m x 68m。所以當你觀看/投注在Estadio Castelao舉行的賽事時,可以把球場較大這點計算進去,有些球隊的戰術適合較大的球場,而有些則在較小的球場會發揮更好。

附錄:於Estadio Castelao舉行的賽事:

日期

賽事

14/6

Uruguay vs Costa Rica

17/6

Brasil vs Mexico

21/6

Germany vs Ghana

24/6

Greece vs Ivory Coast

29/6

十六強 (B組首名 vs A組次名)

4/7

八強

但即使是最小的球場,其實還是非常之大。人和人之間站位的距離很遠。有些人可能看足球小將長大又或是對距離感覺很差,常常球剛過半場就大聲嚷著「射呀射!射他吧!」,這是不理性的。就以今次世界盃大多數球場的尺碼來計算(105 x 68),就足足有由旺角新之城一直到銀行中心那麼長,和整個雅蘭中心那麼闊。

sizeofStadium

當你身處自己龍門前,對面龍門就在下一條班馬線那麼遠(圖中紅色圓點)

而半場就是在百老匯後面一點的位置(圖中黃色三角形)

sizeofStadium2

要從這樣的距離用腳射球命中一點,是極其困難的事;所以,如果你不想被人識穿你很少踏足十一人球場,在球還是剛過半場又或是離門4-50碼時,還是不要喊「射!射!射!」為妙。

如果已經在禁區頂呢?射門是不是就會容易得多呢?畢竟禁區只有16.5米,近多了!

Angle1

圖中紅點為要射門的球員,假設這是一個平面的世界(沒有高度),而x的長度是22米,x和y成直角(方便計算),那麼射門角度有多少呢?

龍門的闊度為7.32米

設 a 為射門角度,則:

tan a = 7.32/22

tan a = 0.3327

a = tan -1 0.3327 = 18.4022°

只有18 度!

射門角度是18度的話,那在皮球上就只有:

18/360 x 70cm(標準足球的圓周) = 3.5 cm 的位罝可以命中球門。

在那個一閃即逝的瞬間,用腳背/腳內側去命中那 3.5 cm 的位置,可真不簡單啦!

這還是無視守門員的存在!如果把守門員加進去,能入球的角度就變成了這樣:

Angle2

我們看到黃色隊的守門員,淺灰色是他大約的守備範圍;可以看出的是,少了淺藍色的部份可以射入,剩下灰色位置的角度真是小得可憐(太複雜… 不想計算了 >”<)。

所以當球賽進行時,龍門和進攻球員中間不只有守門員,還有其他防守球員,進攻並不是胡亂地把球踼向球門,不懂的話,就少說話,多觀察。那球員明明比你和我都更想把球放進對方龍門內,為甚麼他不射門呢?是不是中間有人阻隔?是不是對自己射術沒有足夠信心?是不是有比起腳射門更適合的選擇?當你懂得問這些問題時,你開始明白足球是甚麼一回事了。

1.2 在球場內每隊十一人

有些人說:「足球不過是一堆臭男人追著皮球罷了,有甚麼好看?」

這句說話沒有任何一個字是正確的,說這句話的人完全不懂足球,我替他的生命感到難過。

首先,足球是不限性別的,男女都可以參加,如果今天突然出現一個女球王,速度快,技術好,體能無限,她是絕對可以在世界各頂級賽事中出場的。會有足球是「一堆臭男人」這個誤解,是因為這樣的女生沒有出現過,相信是先天的問題,女性骨格不夠男姓強壯,速度也比較慢(看各項田徑的成績就可見一二)。

其次,球場上的人並不是每個都追著皮球的,球場上二十二個人,拿球的只有一人。那就代表其他二十一人都要追著皮球跑,都要奮不顧身地撲向那個小小的皮球嗎?當然不是!只有幾歲的小朋友踼球時才會一直追著皮球跑!

足球其實是一個傳球與走位的遊戲,進攻方通過走位製造空位射門,而防守方則透過走位防止這事情發生。所以當你看足球的時候,眼睛不要老是瞪著皮球,否則你其實和一個幾歲的小朋友沒甚麼分別。用書法或者畫畫來比喻的話,就是「留白的地方才是精髓所在」,足球也是一樣,當你看球又或是踼球的時候,多留意沒球的球員在哪裡,為甚麼他們要站在那邊?為甚麼他們要跑到這裡?弄明白這些問題後,你才真正開始明白足球的真義。

clip_image010

<出處:網路截圖,電影《少林足球》>

其實足球非常好看,因為球場內十一個人分工合作,為相同的目標而努力;足球比賽是一場戰爭,縱合戰術、個人能力還有運氣的戰爭!所以如果其中一方有人因為犯規而被驅逐離場,會讓少一人的那方變得非常劣勢,同時也讓比賽的可觀性減低。

那麼,這十一個人在球場中的工作分別是甚麼呢?

1.2.1 守門員

首先,十一人之中會有一個守門員,如果守門員不在場、受傷、或者對球證表示不能踼下去,球證必需要暫停賽事,直到守門員OK為止,無論任何情況下,兩隊都必需要有一個守門員。

守門員的工作就是阻止對手把球放進我方的球門內,為此,球例給予了他大量的特權:

  • 身處在自家的禁區內,他就可以用手觸球、接球和擋球。
  • 在小禁區內,所有對手都不可以觸踫守門員(侵犯龍門條例是也)。
  • 其他球員不可以阻礙龍門移動。(上面係我一直以黎既誤解)
  • 必需配載手套。

有權利也有義務,守門員不可以做以下的事情:

  • 用手接住己方的回傳(不可以拖延時間)
  • 接球後六秒內不開出(不可以拖延時間)
  • 在球場內便溺(曾經法國門將巴夫斯就在門柱旁就地解決,結果球證沒看到)

守門員也是場內最清楚每一個其他球員位置的人,所以經常要附責提醒對友敵方的位置。

1.2.2 後衞

在守門員前面的,是後衞,通常會有三至五人。後衞的工作是阻止對方射門,這個目的可以透過不同的方法來完成,包括截斷對方的傳球、阻擋對方的盤帶、先一步搶佔對方的位置、站在對方球員的射門線道上甚至是故意把對方踼跌。當然,把對方踼跌是犯規的,而且也要承擔被罰的風險,但毫無疑問,如果不是故意去傷害對方的身體,犯規絕對是防守球員工作的一部份,不應該受到道德上的批判。有些人很喜歡用「矛」來去指責一些防守球員,這些人正正不明白足球這遊戲的本身,如果不想有身體接觸可以去玩網球、乒乓球又或是高爾夫球,一樣緊張刺激,但足球就是一個有強烈身體碰撞的運動,而這些身體碰撞,往往由防守球員主導。

而且現在球員的技術都非常了得,要搶得腳下球其實並不容易,很多時一出腳就會被對方抓緊空擋越過,所以更多時候,後衛都是以站位為先的,收窄對方選擇,逼使對方犯錯。其次就是盯人,緊盯對手,不要讓他有任何空位可以突破。最後就是解圍或是把搶來的球傳向前面轉守為攻。

除此之外,後衛也會透過越位條例幫助球隊達成攻守互換。這個比較複雜,我們留待談論「把球合法地放進對方球門」時再說。

1.2.3 中場

中場球員通常會有四至五人,他們的工作就是助攻和助守,簡單來說,就是攻擊的時候要上前,防守的時候要後退,不停的用跑動來制造人數上的優勢。如果細分的話,可以分成以下幾類:

防守中場,主要是成為後衛前面的屏障;有些人以為防守中場一定要搶到波才算做表現好,其實不然,盲目的搶球只會被對方扭過,反而拖延時間讓己方後衛穩守防守位置才是一個防中的首要任務。

邊中場,主要在邊線活動,在進攻時把對方後衛拉向球場兩邊(無論有沒有帶球),製造空位。

在防守時通常有兩個選擇,一是留在中場附近等待快速反擊,二是回到後面給予對方球員壓力。

10號位,這個位置現在基本已經失傳,他會在前鋒稍後的位置活動,所有進攻都會以這個球員為核心,不會參與防守。

10號位不再流行,取而代之是一個我稱作「派路位」的位置。此位置最出名的球員就是意大利的派路,他站在防守中場的位置,但其實並不太擅長防守,主要的工作是作為所有進攻的起點,由他負責決定長傳還是短傳,把球傳向兩邊還是作中央突破。

1.2.4 前鋒

前鋒通常有一至兩人,很多人以為他們唯一的工作就是入球,其實這是很落伍的看法,近二十年的足球發展,前鋒已經發展出很多不同的類型,每一個類型工作都不會單單是入球。

柱躉式中鋒作用是作為前場第一點的拿球者,然後護球傳給前鋒拍擋或是兩邊衝上來的中場,再轉身走前等待機會。

單箭頭不但要負責入球,還要回防作為防守的第一人,經常在前場被對方玩馬騮搶球,影響對方的進攻節奏。

速度型前鋒,當球隊全員防守時在中圈附近待機,希望可以找到突擊的機會。

技術型前鋒,當對方全員防守時,用個人技術找出缺口,

影子前鋒,見於所謂無鋒陣式,作用主要為引開對方中堅,讓中場有機會插入進攻。

1.3 限定時間內

足球的限定時間是90分鐘,上下半場各45分鐘,中間休息15分鐘。

當比賽中途有停頓的時候,例如球隊換人、有球員受傷、有球迷裸跑、球證抽筋、甚至是有狗隻跑入場內等等突發情況,球證都會按自己的計算和感覺進行補時,通常補時會由3-5分鐘不等。

如果該場一定要分出勝負,那麼90分鐘平手後會加時30分鐘,加時還是平手則會射十二碼。

這些都是常識,不懂的人應該也不知道足球是用腳踼的。

1.4 把球合法地放進對方球門

對於一個看球的初哥來說,其實你要知道的球例只有三條,只要滿足以下三條,就算是合法進球:

1.4.1 球如何才算進了?

這個是經常會出現的問題,那球停留了在界線附近,那究竟是不是入球呢?當慢鏡重播時評述員會說「球已經完全越過了白界」,沒錯,有沒有進球,要看球有沒有完全越過白界,即使只有一毫米還貼著白界,球還不算進的。這基本上是最最最客觀的球例。

goal 進了

nogoal沒進

今屆世界盃會使用新科技,不再單單倚賴球證的肉眼了,對於如此客觀的條例,我認為是好事。

1.4.2 越位

對於初初看足球的人來說,越位可以算是千古迷題,感覺球證總是喜愛把單刀球都吹停一樣,但實際上越位是甚麼呢?

簡單來說,越位就是指己方最前的球員和對方球門中間最少要有兩名對方球員(守門員也計算在內,平排也可以)。

offside1<圖中11號球員就沒有越位了>

 

offside2<圖中11號球員處於越位位置>

那豈不是永遠也沒有單刀球了?

當然不是,因為越位計算的時機是傳球球員踼球的一剎那。只要在球傳出來之後,用速度KO那個在你前方/平排的守衛就OK了。

offside3<只要傳球一刻沒有越位就OK>

那麼我單刀時橫傳是否有問題?

那要看你的隊友是不是處於越位位置內,如果他比你前,基本上就一定越位了。

如果我受傷躺了在越位位置上,然後我隊友入球了,那算不算?

主要看你有沒有影響到比賽進行,例如你擋著守門員的視線又或者直接影響到對方的行動,那就不算,如果你真的乖乖的躺在一邊,比賽與你無關,就沒問題。而有沒有問題,其實就主要看球證即場的判斷。

那為甚麼要有越位呢?這不是費時失事嗎?明明大好的單刀進攻機會,只因為球員早了起步就被吹停了。

這個問題,也有不少人懂得答:

「如果沒有越位條例,攻方就可以放一個人在靠近對方球門的位置,從而輕鬆獲得機會。」

這答案沒錯,但這答案只是覆蓋了事實的一小部份。

其實,越位條例是用來讓兩隊攻守互換的手段。

如果沒有越位條例的話。只要球一旦運上前場對方的球員就很難將球反守為攻了。

看看以下一個例子:

紅隊壓著黃隊來進攻

offside4

當紅隊射門被門將沒收後,由於沒有越位條例的關係

紅隊選擇繼續緊逼黃隊(不退後)

offside5

offside6

你會發現黃隊無論傳球到哪,都會被紅隊繼續在危險地區施壓。

無法讓球離開自己的半場。

offside7

剩下的進攻手段只有用長傳將球放到最遠的前鋒。但剛才也說過球場其實很大,長約 100 - 110米,長傳的準確度很難控制。結果就會變成了長傳遊戲:「我的守門員接球,長傳到你的禁區;然後你的守門員把球沒收,再長傳到我的禁區。」

相反,如果有越位條例的話,黃隊球員會在守門員接球後散開,將越位線向中場推,紅隊球員為了離開越位位置,唯有回到自己半場。

offside8

然後,就可輕鬆的讓球離開自己的危險區域了。

offside9

足球比賽不像藍球有 24 秒射球條例,也不像美式足球有攻守互換,first down等其他方法來進行攻守互換,所以如果要讓比賽緊張起來的話,越位條例是必需的。

1.4.3 球證

對於球證,你只需要知道一件事:

「球證是球場上的上帝」

你沒看錯,這是真的,球例上明文寫著:

「每一場比賽由一位裁判控管全場。裁判對於被指派的比賽,有資格全權執行規則。」

甚麼意思?即是球證說了算。

這個攔截動作是不是犯規?球證說了算。

這個球員有沒有在越位位置參與進攻?球證說了算。

這個犯規是不是在禁區內?是不是有十二碼?球證說了算。

所謂得益規條算不算數?球證說了算。

在這個日趨保守的足球場裡,像以前那種7:4、9:6那些比數已經不再存在了,取而代之的往往是1:0、2:1這種一球定生死的比數。這就表示,只要球證一個誤判,一個十二碼,一個自由球又或是一個紅牌,往往就決定球賽的勝負。

但這點往往被足球評術員、球員和球迷有意無意的忽略了。

足球評術員經常對球證的決定評頭品足,卻又不能給出實際理由;他們說的大多是:「這球吹罰有點過份!」「這一球不應該吹罰啦!」這樣的空話。如果他們明白「一個動作是否犯規,球證說了算」這個道理的話,就不會有這麼多廢話了。

球員也經常質疑球證的判決,當然是因為判決對他們不利啦,人不為己,天誅地滅;但實際上那個穿黑衣的傢伙其實操著對球員的生殺大權丫,球員對著他大叫又或是侮辱其實都是非常愚蠢的行為,因為這會在球證腦中留下了不好的印象,而這印象或多或少都會影響到球證臨場的決定。

球迷們在看直播的時候,不斷的聽到足球評術員對球證的決定指指點點,不斷看到球員追著球證喊冤,潛而默化地,球迷們開始覺得球證是錯的,球證永遠是錯的。

所以如果有朋友和你看球時,他大聲地說球證這球應該罰,那球不應該罰的時候;你可以冷冷的丟他一句:「球場入面球證大晒家嘛...」

那,我們何時才可以批評一個球證呢?

我個人認為,球證必須要保持公正!

一個動作,如果A隊做的時候不吹罰,那B隊做同樣動作時也不應吹罰,相反亦然。

例如他對一個「波打手」的動作吹罰,那這場比賽餘下的時間,兩隊「波打手」他都要吹罰。我們討論的焦點不應該放在那球究竟是「波打手」還是「手打波」,因為這是球證負責決定的;焦點應該放在球證對同一動作是否一視同仁。

1.5 入球次數較多的球隊獲勝

這不是必然的嗎?

對,這是必然的。但足球和其他球類運動分別最大的地方,在於得分很低。讓我們看看下表。

年份

舉辦國

平均入球

2010

南非

2.27

2006

德國

2.30

2002

日本、南韓

2.52

1998

法國

2.67

1994

美國

2.71

1990

意大利

2.21

1986

墨西哥

2.54

1982

西班牙

2.81

1978

阿根庭

2.68

1974

西德

2.55

1970

墨西哥

2.97

1966

英格蘭

2.78

1962

智利

2.78

1958

瑞典

3.60

1954

瑞士

5.38

1950

巴西

4.00

上表是二戰後的所有世界盃場均入球數,很明顯地,數字一直在下降,而最近四十年中,二千年以後下跌得相當利害。在1958年之後,就沒有再出現過場均3球以上的世界盃了。這數據可以讓我們得出一個簡單的結論,就是當一隊球隊入了兩球之後,他被追和又或是反勝的機會其實不大,因為有第四第五球的賽事其實不多。

這讓足球成為了這世界上最靠運氣的運動,因為勝負往往是一球與兩球之爭。比賽之中,如果幸運之神不眷顧你,讓你剛好在拿球前滑一滑,被對方前鋒偷到球,然後他單騎猛進,射入球門,你很有機會就因為這一下滑倒而輸掉比賽;又或者你大腳抽射,球擊中門柱內側,究竟之後球要彈入球門還是彈出場內,這跟擲毫是沒兩樣的,純運氣決定,而你可能因為這一個反彈球而贏得比賽。

其他球類這個問題都比較少,籃球一場得分50-150,要因為霉運而輸掉比賽,一次運氣欠佳是不夠的,需要連續地運氣欠佳連續地射不入。桌球比賽中,採用17戰9勝制,一兩球的運氣欠佳可能會讓選手輸掉一兩場,但只要他有足夠實力,他可以有9次機會追回來。網球也一樣,一分最少要打四球,一局六分,五局三勝,一兩球的貼網球不會讓選手輸掉比賽,只要選手精神集中,減少失誤,是可以贏回來的。

唯獨足球不是這樣,這也是為甚麼足球博彩比其他博彩繁盛的原因,因為足球好像有跡可尋,但實際上運氣成份佔得相當相當重。

所謂強隊,其實不過是指他們能爭取比別人更多機會,可以更好地控制戰局,可以把犯錯的機會壓到最低而已,並不代表他們必勝。

「足球,不是強者必勝,而是勝者為王」 這是足球小將中的卡爾軒斯史奈達說的。

clip_image034

<出處:網路,漫畫《足球小將》>

 

二、常見的謬誤

很多人都對足球有一些錯誤的認知,這些認知可能是來自直覺,可能是來自其他有這錯誤認知的球迷,甚至會來自那些所謂「專家」的講波佬。所以我在這裡提出一些,讓大家好好警剔,不要再犯。

2.1 「這球隊平均年齡接近三十歲,速度和體能都比較輸蝕。」

體能、速度這些東西都是與生區來的,有些球員,體能很好;有些球員,體能很差。而當然地,隨著年齡增加,體能和速度一定會下降,但影響有多大呢?是不是大到一個球員一但過了三十歲的生日,就會在體測中由100分跌至50分呢?作為職業球員,而且是參加世界盃的球員,如果他的體能和速度都跟不上比賽的節奏,又或者會出現嚴重的問題,那教練還會選擇他嗎?

在世界足球史中,也有不少30歲以上,卻踼得很好的球員,例如90-94年喀麥隆的米拿,98年哥倫比亞的華達拉馬,02年西班牙的希亞路,06年葡萄牙的費高、意大利的簡拿華路,10年烏拉圭的科蘭。這些人會很慢嗎?會很快體力用盡嗎?當然不是。

如果只要年輕就會贏,就會好看,那你去看U17世界盃就好了,他們都跑得很快,都有用不完的體力。

2.2 「這一球先踼到球,所以不算犯規」

剛才一早說過,一個攔截算不算犯規,全是球證說了算,其他人說什麼也是徒勞的。犯規與否的準則是球證當下的判斷,而不是慢鏡中防守球員有沒有觸到球。如果真的是先踼到球就不算犯規,那我大可以先觸球,然後換一對拳套把對手揍在地上,直接把球場變成自由搏擊的會場好了。

clip_image036

<出處:網路,烏拉圭對墨西哥>

近年來評述員開始糾正這個謬誤,他們會說:「雖然防守球員觸到球,但他的動作有攻擊性,所以犯規。」又或是:「這球防守球員全心去踼皮球,只是不小心踼到對方球員,所以不吹罰也合理。」這說法就比較好了,但再次的把球場上的上帝「球證」遺忘了,他才是下決定的人啦!

2.3 「球隊 A 佔盡優勢, 他們射門有N次, 命中目標有X次 !」

射門,就是把皮球踼/頂向對方球門。這個動作看似很容易,但實際上對方無時無刻都想阻止你射門。所以射門較多的球隊有優勢這件事通常都是對的。注意,是「通常」,而不是永遠都是對的。因為對方想阻止的,只是有威脅、有機會形成入球的射門。如果在很遠的地方,胡亂地起腳射門,根本就不會有機會,這情況通常見於一隊球隊死守,另一隊沒法撕破對方防線,只好在外圍胡亂射門,希望有一球命中,這樣完全說不上有優勢,還很可能被對方一個突擊就送回老家。

而命中目標,則是射門命中了門框之內(中柱不算),命中目標次數多,可能因為球員射術高超,百發百中;但更多時候,是因為射門的空間不夠,要命中龍門,只能踼出無力的球又或是飛向龍門正中的球。

舉個例子,98 年,摩洛哥於哈辛二世杯一場賽事中作出了 32 次的射門。有十幾次中目標,但那些射門全都是在外圍的亂射,摩洛哥隊一點優勢都沒有。

2.4 「球員 B 包了越位/失了位/跑得慢,所以他要為這球負上責任...」

為甚麼失球後一定要找個人來承擔責任?我不明白。同一個情況,換上了另一人是不是真的有救?

如果越位陷阱失敗,那可能是指揮不好,可能是整條後防的訊號慢了,可能是訓練不足,未必全是包越位那球員的問題。

如果是失位,可能是球場上的突發情況,又或是對方的走位太精妙,所以引致失球,這樣隨隨便便找一個球員承擔責任真的好嗎?

如果是跑得慢,那這個球員是否有其他優點所以選擇他,這個優點在整場球賽中有幫助到球隊嗎?

總的來說,足球因為比數少,一兩球就決定勝負,運氣成份相對較其他體育都要重,所以失球後的責任非常巨大,隨便找個人來承擔責任這件事是極不負責任的。不僅要爭勝,也要知道為甚麼輸,明白輸球有時其實是無可避免的。

2.5 「這個球員表現不太好, 比賽到現在都很少提到他的名字/他踫球的機會很少」

球,只有一個。在皮球周圍的球員,最多三四個。那其他球員在做什麼呢?進攻時其他球員要靠跑動來拉開對方守衛,要讓出有利位置給最擅長在那個位置進攻的球員(例子:洛賓在禁區角拿球後,禁區頂中間的位置一定不會有荷蘭球員,因為隊友全都知道他一定會拖向中間射球,對方也知道這件事,所以隊友這時會走向邊線,將防守球員從禁區頂盡量引開。那如果洛賓射入了這球,他隊友的功勞也不少,因為如果不是他的走位,洛賓盤球的路線就會給他堵住,如果他不是走向邊線,洛賓的射球路線就會被對方堵住。)這就是足球,足球就是一個十一個人一隊的遊戲。

你像一個小學生一樣整場只盯著皮球,憑什麼去批評人家表現不好?

2.6 「身材越高,頂頭鎚越有利」

如果球賽中每一球頭鎚的高球都是十幾米高的話,那這句說話就成立。但事實上,做成入球的傳中都是急勁而且橫飛的,把球吊到九樓高然後爭頂在進攻上是下下策,因為對方有更多的時間回防,更多的時間和你爭奪位置。

一個頭球能否攻入對方大門,最重要的,是入楔時間,而不是高度,即使你有兩米高,皮球橫飛過來,只要對方守衛張開身體,不讓你進佔好的位置,你根本就不能向皮球起跳,更別說把他頂入網內了。 別忘記,對方守衛的目的並不是要和你爭頂,不是要頂到皮球,他目的只是阻止你把球頂入罷了。

2.8 「換更多前鋒入場可以增加攻力」

其實,前鋒人數和攻擊力是沒有絕對關係的。如果前鋒人數多就能增加入球,那麼所有球隊都會放四個或者更多的前鋒進場了。 事實上大多球隊都不會放超過兩名的正前鋒在場上,因為這只會令中後場變得更薄弱,如果球一直在對方腳下,中場不夠人搶,後防又不夠人守,那出多少個前鋒都是沒用的。

要增強攻擊力,首先要做的是奪取皮球的控制權,然後由傳球走位發動攻擊,至於前鋒人數多少,中場人數多少,其實並不重要。

2.9「又是0:0,足球真的很悶」

又一次,如果你只是像一個小學生一樣眼睛只會跟著皮球走,那麼沒入球的賽事當然會非常沉悶。但事實上,比賽為甚麼會踼成零比零呢?只要你肯思考這個問題,你才有格評論一場比賽究竟悶不悶。足球就是一個十一個人一隊的遊戲,球員們的走位,盯人,傳球等等,其實非常好看。你可以因為一個絕妙而簡單的傳球走位而興奮莫明,也可以因為一次乾淨而清脆的防守而歡呼喝彩,足球並不只是一個射門遊戲。

2.10 「遠射 = 世界波 = 多嘗試」

只要我們科學一點,就可以發現這個假設中的謬誤。究竟要射多少個遠射才會入一球呢?

這個網頁統計了2009年至2013年英超所有射門的位置和命中率,在禁區頂的射門,而入球的機會大約是3%。而一個禁區內的正面射門的入球率是17-43%。

如果我可以做到十次射門,那你會選禁區內的,還是禁區外的?

這是一條連只會追著皮球跑的小學生也懂得回答的問題。

其實,遠射是當一隊球隊無法組織到更有威脅的射門的時候,在外圍踫踫運氣的做法罷了。

有些球員運氣好,因而一腳成名(請自行對號入座)。有些球隊運氣不好,遠射幾十次也沒一球放進網內(我相信世界盃上的球員每一個人都可以在禁區外命中龍門)。原則上,我並不反對遠射,但我討厭一些中了百家樂然後說自己技術好的賭徒。

2.11 「這一場的戰果很合理」

戰果,只有三個,主勝、客勝又或是打和;而一個戰果是沒有所謂合理不合理的,因為足球本來就是球類運動裡運氣成份最多的,佔有優勢的應該贏,劣勢的應該輸這只是不懂足球的人的胡扯。實際上我們除了比數以外,根本無法辨別哪一隊有優勢,因為有些球隊一開始就計劃要打反擊的,他們被壓著半場來攻可說是正合心意,那他們究竟算不算劣勢?

所以如果這一句說話的意思是入球較多的那一隊贏了,所以戰果合理,那即是一句廢話。如果意思是他買了的那一隊贏了就戰果合理,那樣就只是意氣用事。

2.12 「魚腩部隊」

足球發展了一百年,來到今天,戰術進步了,訓練的的方法也進步了。所以可以通過重重外圍賽打入世界杯三十二強的球隊,基本技術都有一定程度;於是一場球賽的輸贏,看氣勢、看運氣、看體力、看鬥志、最後再看技術。你可以看見很多名不見經傳的球隊打起來都非常厲害,然後你可以看見很多出名的球星卻沒什麼驚人的表現。

因為足球並不是比拼知名度,不是比拼身價,不是比拼周薪;要比的,只有入球數目,僅此而已。

三、觀戰的需知

3.1 評述員的Tautology

Tautology,中文叫「恆真式」,邏輯學上的意思是「永遠是對的」,換言之,即是廢話。但評述員在評述足球時,總是不停定在說廢話,如果你完全不喜歡足球,但又被逼陪別人看球的話,可以嘗試從這方面得到另類的樂趣,以下是一些廢話的例子,而幾乎每場都會聽到:

「半場比數是1:0,如果維持這個比數的話,A隊將會勝出。」

「如果守門員沒有救出這球,這球就入了。」

「如果球飛低一點,就會中門框。」

「如果這球沒有越位,那球員就單刀了。」

「如果球證看到最後觸球者,那這球就不會判錯。」

「如果球完全越過了白界線,就算入球。」

「還有三分鐘,如果落後的球隊B沒法入球的話,就會輸掉比賽。」

「射十二碼,一係入,一係唔入。」(桂神萬歲)

這些都是冰山一角,我明白要在九十分鐘中不停說話是有點難度,但像這樣不停地說廢話實在是有點搞笑。對於足球評述,要點應該在於「為甚麼」。一個好的評述員可以告訴你為甚麼這個球員要這樣做,為甚麼教練要換人,為甚麼這後衛要犯規;因為這些答案都要真正了解這項運動的人才會知道,而不是找一個同樣是球迷的人在畫面旁隨便說說,空口講白話說那球員「應該」怎樣怎樣做。

3.2 各項數據的意義

中場時間或比賽中途經常有各式各樣的數據會顯示在畫面上,但實則上有多少人知道這些數字其實代表著甚麼呢?

射門次數

射門,顧名思義就是把球向球門踼去。這個數字的多寡通常意味著那隊球隊正在主攻,畢竟沒有攻勢卻會胡亂射門的笨球隊實際上是不存在的。但這個數字卻沒有顯示哪一隊球隊正佔有優勢,因為有些球隊是主守的,你主攻我可算是正中下懷。

犯規次數

犯規次數意義其實也不大,但平均來說,犯規次數越多的球隊越容易領牌,而打少一人的球隊會處於明顯劣勢,因為足球是一個傳球和走位的運動,少一個人代表每個人要走動的位置大了,亦即是給對方的空位增加了。

角球次數

大約每30個角球就能夠直接做成一個入球,因為角球可以輕易把球吊入禁區,中間全都是危險範圍,所以當你看到某隊得到角球時,你大約知道這球有3%機會。

而角球次數則能夠代表皮球在比賽中停留在哪隊的半場比較多。

控球比率

這個數字自從西班牙人(正確來說是加塔隆尼亞人)發明Tiki-Taka踼法後,已經全無意義了。

所謂Tiki-Taka踼法就是整隊球員都採用控球高手,用傳球和控球達致超高的控球率,總之就是不讓對手踫到皮球的一種打法。他們寧願不進攻也不願丟失控球權,寧願放棄強悍的後防,總之無論如何要把球停在己方腳下。這種踼法讓西班牙在2008年至2012年都未逢敵手,直至洲際盃才輸給了東道主巴西。

使用這種踼法的一方控球率一定超高,而另一方則只要一踫球,就會立刻製造直接的進攻,所以這個數字已經全無意義。

如果雙方都沒有使用這種踼法,控球比率可以大概看出球隊對球賽的支配比例。較高的一方有著比賽的主導權。

跑動距離

這是一個經常會被忽略的重要數字,因為足球越來越體力化,這個數字其實如實地反映了球員對球隊所作出的貢獻。當整隊球隊的跑動距離大大高於對手時,獲勝的機會自然較高,因為足球,本來就是一個傳球與走位的遊戲。

3.3 如何分辨強隊和弱隊

要分辨強隊和弱隊,首先你要明白一個道理:

「足球,並不是強者必勝,而是勝者為王!」(本篇第二次出現)

圍棋、象棋、跑步、遊水這些項目競賽中,你只需要比你的對手強,而你又認真的打算擊敗對手的話,你被爆冷打敗是很難的,或許你會因為對方的奇襲而吃一點小虧,但在比賽過程中,實力會讓你慢慢把優勢和主導權奪回,最後取勝。

但足球不是這樣,足球場上往往只要一個幸運球(例如射門反彈入網),然後弱隊就可以笑到最後。既然足球是如此的不可測(所謂「波係圓既」)那麼分辨強隊和弱隊有甚麼作用呢?

答案是一個參考作用,強隊勝率會比弱隊高,就此而已。

那要如何分辨強隊和弱隊呢?用賠率?用球員身價?用名氣?還是用個人的愛好呢?

答案全都不是,在觀看比賽前要分辨隊伍的強弱,唯一方法是看該球隊的往績,在同一個教練,同一堆球員,同一個陣式下,他們勝出的機率是如何呢?他們贏的對手強嗎?在世界盃上,比較簡單的方法就是觀看球隊的世界排名,雖然大家都知道世界排名其實並不準確,因為國家隊對戰的對手經常南轅北轍,美國隊每天都欺凌中北美洲的隊伍,排名當然會較高,相反歐洲球隊戰況激烈互有輸贏,排名的上落也會較大。作為簡單的參考,世界排名是OK的,即是排名28的哥斯達黎加理論上一定比排名11的比利時弱;但是排名第7的烏拉圭和排名第6的瑞士呢?就無法確認了。如果想準確一點,仔細一點,就要用以下這個費時失事的方法了。

所謂費時失事,就是你要去觀看這隊球隊的錄像,然後觀察他們對節奏的掌控如何。強隊的定義是當他們想加快速度時,速度就可以加快,當他們想減慢的時候,就能夠有效地減慢(Tautology哈哈)。加快速度時,最直接的方法是觀看他們的球速,皮球的速度是由球員控制的,強隊走位可以跟得上快速的傳球,而且控球等待隊友走位的時間也比較短。減慢速度時,可以看他們保護皮球的能力,會不會輕易被人搶走等等。要學會在觀戰時分辨球隊的強弱並不容易,需要大量看球的經驗,因為足球並不會像網球或棒球一樣用電腦計算球速,要看出一隊球隊對節奏掌控程度基本上全靠經驗。

但回到最初,強隊未必一定能贏,最多只是勝出的機會高一點而已。

四、小TIPS

最後在這被送上一些sound bite 作為結尾。

當有人說:「A隊勁B隊咁多,A隊贏硬啦!」
你可以說:「足球邊有贏硬,B隊負碌入一球,然後擺兩架大巴係禁區頂(放8個人分兩排在禁區頂防守),就贏啦!」
或者可以說:「話唔埋一開波A隊個XX(球員名字)就一個魯莽犯規紅牌打少一個呢?」
甚至可以說:「如果贏硬馬會早就封盤啦!」

當有人說:「有無搞錯,咁都犯規?/球證做乜嫁,咁都唔吹?」
你可以說:「球場上球證話咩就咩嫁啦,佢話你樣衰然後比紅牌你你都吹佢唔漲呀!」
或者可以說:「佢吹錯最多下場無得吹,佢兼職嫁之嘛。但班球員得罪佢就要等四年嫁啦喎。」

當有人說:「頂,又0:0,咁悶嫁!」
你可以說:「想睇入波你去睇手球啦,場場入十幾球嫁!」
或者可以說:「一場平均入球根本唔會超過三球,咁有3:2就有0:0好合理丫!」

當有人說:「角球呀!叫糊啦!/頂又射唔中個龍。」
你可以說:「一個角球/遠射平均得3%化做入波,即係同買大細開圍骰既機會差唔多,你會唔會去澳門鋪鋪都買圍骰然後係咁嗌『叫糊啦』呢?」
又或者說:「其實個球場好鬼大,D守門員成兩米高,咁易射中/射入咩?」

當有人說:「呢條友咁高,頂頭鎚一定好勁。」
你可以說:「你估海洋公園D海豚,個波吊左係到齋跳上去就頂到咩?頂波要衝前頂嫁!唔係齋高就有用嫁。」
clip_image038<出處:網路,google keyword: dophin, jump, ball>

 

當有人說:「條友成場都無影,咁廢既佢!」
你可以說:「係呀,佢去左飲咖啡,睇電視同溝女呀!大佬,人地係咁走位嫁,唔識睇出少句聲啦!」
又或者說:「波就得一個,人就22個;你剩係睇住個波梗係唔知人地做緊乜啦!」

希望大家能在這四年一度的世界盃好好享受足球。